«Андижон» билан хайрлашган Фарҳод Бекмуродов 4 январ куни Самвел Бабаян мураббийлигидаги «Локомотив» билан шартнома имзолаган бўлса, клуб Суперлига эмас, Про лигада ўйнаши аниқ бўлгач, яримҳимоячи бугун «Қизилқум»га ўтди.

«Ўтган йили «Андижон» таркибида мамлакат кубогини қўлга киритган, 2018 йил «Локомотив» жамоаси билан Ўзбекистон чемпиони бўлган маҳоратли ярим ҳимоячи Фарҳод Бекмуродов эндиликда «Қизилқум» шарафини ҳимоя қилади. Футболчи ва клуб ўртасида бир йиллик шартнома имзоланди», - дея хабар бермоқда клуб матбуот хизмати.

Футболчи «Локомотив» клубининг Про лигада иштирок этиши аниқ бўлгач, келишувни бекор қилган ва Суперлигада ўйнаш учун Навоий клуби сафига ўтди.

Фарҳод фаолияти давомида «Андижон», «Локомотив», «Қўқон-1912» ва «Металлург» клублари шарафини ҳимоя қилган.