«Бавария клуби «Спортинг» ҳужумчиси Виктор Гёкерешни ўз сафига қўшиб олмоқчи.

Record хабарига кўра, мюнхенликлар ҳужум чизиғини кучайтиришни ва Кейнинг ўрнига ўринбосар сифатида Гёкерешни кўзлаган.

Қайд этилишича, Гёкереш «Бавария»нинг ёзги трансфер мақсадлари рўйхатига киритилган. Швециялик 26 ёшли форвард 70-75 миллион еврога баҳоланмоқда. 

Гёкереш бу мавсум «Спортинг» таркибида барча мусобаларда 29 та ўйинда майдонга тушиб, 31 та гол урди ва 6 та ассист амалга оширди.