Букайо Сака жароҳати туфайли «Арсенал»га узоқ муддат давомида ёрдам бера олмайди. Бу ҳақда жамоа бош мураббийи Микел Артета маълум қилди.

АПЛ 17-тури доирасидаги «Кристал Пэлас»га қарши учрашувнинг (5:1) 24-дақиқасида Сака жароҳат туфайли майдонни тарк этганди.

«У майдонни тарк этаётгандаёқ ҳолат жиддий экани кўринганди. У бир неча ҳафталарга сафдан чиқди. Бу «Арсенал» учун жиддий зарба. Бу йўқотиш биз учун бу яна бир жиддий синов бўлади», – деди Артета.

Артета Раҳим Стерлинг ҳам тўпиғидаги жароҳати сабабли бир неча ҳафта ўйнай олмаслигини ҳам маълум қилди.